වඳුරඹ ප්‍රාදේශීය ලේකම් කාර්යාලය

 වඳුරඹ ප්‍රාදේශිය ලේකම් කොට්ඨාශයේ පිහිටීම

ගාල්ල නගරයට කි.මී. 18 ක් අභ්‍යන්තරයෙන් වඳුරඹ ප්‍රාදේශීය ලේකම් කොට්ඨාසය පිහිටා ඇත. කොට්ඨාසය ග්‍රාම නිලධාරි වසම් 22 කින් ද යුක්ත වේ.

 ගාල්ල දිස්ත්‍රික්කයේ මුළු භුමි ප්‍රමාණයෙන් 2% ක් වඳුරඹ ප්‍රාදේශීය ලේකම් කොට්ඨාසයට අයත් වේ. අනෙකුත් ප්‍රාදේශීය ලේකම් කොට්ඨාස හා සලකා බැලීමේදී විශාලත්වයෙන් කුඩාම  ප්‍රාදේශීය ලේකම් කොට්ඨාසයකි.

අර්ධ නාගරික හා ග්‍රාමීය ජන ජීවිතයකින් හෙබි මෙම කොට්ඨාසයේ ප්‍රධාන ජීවනෝපාය වශයෙන් අතීතයේ  පැවත ඇත්තේ වී ගොවිතැනය. වඳුරඹ යනුවෙන් නම් සැදී ඇත්තේ කෙසෙල් බහුල ප්‍රෙද්ශයක වඳුරන් බොහෝ සේ ගැවසීම නිසාය. නමුත් වර්තමානයේ ප්‍රධාන ජීවනෝපාය මාර්ගය වශයෙන් තේ වගාව හැදින්විය හැකිය. මෙයට අමතරව රබර්, පොල්, කුරුඳු සහ සුළු අපනයන භෝග ද ගෙවතු වගාව ද දැකිය හැකිය.

එසේම මෙම කොට්ඨාසයේ ප්‍රධාන ජල පෝෂකය වන්නේ කොට්ඨාසයේ මායිමෙන් සහ විටෙක කොට්ඨාසය මැදින් ගලා බස්නා ඇල අමුණු වේ. එමෙන්ම දොළහේන රක්ෂිතය ද කොට්ඨාස මධ්‍යයේ පිහිටි කිරින්දලාහේන වැව ද කොට්ඨාසයේ සුන්දරත්වය ඔප් නංවයි.

වඳුරඹ ප්‍රාදේශීය  ලේකම් කොට්ඨාසය තුළ ‍‍ඓතිහාසික හා පුරා විද්‍යාත්මක  ස්ථාන අතුරින් දඹදෙණි යුගයට අයත් මාබොටුවන පුරාණ විල්ගමු රජමහා විහාරය ද, ගලපාත විහාරය ඒ ආශ්‍රිතව වැදගත් ස්ථානයන් ගනී.

පරිපාලනමය පහසුව උදෙසා මෙම කොට්ඨාසය බද්දේගම කොට්ඨාසයෙන් වෙන් කර ග්‍රාම නිලධාරී වසම් 22 කට බෙදා ඇත. එම ග්‍රාම නිලධාරී වසම් 22 ද විවිධ ආයතනවල අවශ්‍යතාවයන් අනුව කොටස් වශයෙන් ගොනු කරගෙන ඇත.

කාර්යාලයේ පිහිටීම

වඳුරඹ ප්‍රාදේශීය ලේකම් කාර්යාලයේ විකාශනය

• වර්ථමානයේදී ප්‍රාදේශීය ලේකම් කාර්යාලය ලෙසින් හඳුන්වනු ලබන අපගේ කාර්යාලය, වර්ෂ 2017.05.08 දී , කොට්ටව පාර, වඳුරඹ යන ස්ථානයේදී ප්‍රාදේශීය  උප ලේකම්  කාර්යාලය ලෙස ස්ථාපනය කරනු ලැබ ඇත. (2017.05.08 දින සිට 2021.02.26 දක්වා ප්‍රාදේශීය ලේකම් කාර්යාලය, බද්දේගම. මගින් පාලනය විය)
• වර්ෂ 2021.03.01 සිට ප්‍රාදේශීය ලේකම් කාර්යාලය නමින් හඳුන්වනු ලබන අතර වර්ථමානයේ කාර්යාලය පිහිටා තිබෙන බද්දේගම පාර, පහළ ලේල්වල, වඳුරඹ යන ස්ථානයේ ස්ථාපනය කර ඇත.

• 2017.05.08 වසරේ සිට සේවය කල ප්‍රාදේශිය ලේකම්වරුන්

• නම	සිට	දක්වා
  අයි.එස්.සමරකෝන් මයා	2021.02.27	2022.08.10
  නෙහාරා මෙලනි වෙත්තසිංහ මිය	2022.08.10	2026.01.18